LPG at kerosene, isinulong ng ilang kongresista na isama sa hanay ng basic commodities

Isinulong ng ilang kongresista na maisama sa mga tinatawag na basic prime commodities ang liquefied petroleum gas (LPG) at gaas.

Sa House Bill 4100 nina Gabriela Partylist Representative Emmy de Jesus at Luzviminda Ilagan, ikinatwiran ng mga ito na gaya ng ibang pangunahing bilihin, palaging gamit ang LPG at gaas.

Inalis anila sa Oil Deregulation Law ang kontrol ng pamahalaan sa presyo ng oil products, kabilang ang LPG at kerosene, kaya't apektado ang budget ng pamilya sa tuwing tumataas ang presyo ng langis.

Nais nina De Jesus at Ilagan na maamyendahan ang umiiral na Price Act at isama sa monitoring ng pamahalaan ang LPG at kerosene.

Report from Junry Hidalgo, Radyo Patrol 31